EMBONA (Raims randriamalala (mahavonjy aimé))

EMBONA

eto am-baravarakely eto
no hitazanako ny lasa
dia velombelon-tsento
ny amin'ny fitiavana voaratra

lasa ilay nantenaina
nandao ahy koa ny silako
ka zary mankarary ny aina
ny tsy ahita azy eto anilako

maro ny lalana lalovana
indrindra ny lalan'ny fitiavako
fa ny ratsy no tsarovana
ka manjombona ny tavako

dia eto an-davarangana eto
no hanadinoina izany
ireo kalo tonga vetso
no mampirotsaka tomany

nosoratan'i RAIMS RANDRIAMALALA (Mahavonjy Aimé)
tanjombato 14/10/2017
--------