MISY (Raims randriamalala (mahavonjy aimé))
(Nalaina tao amin'ny vetso.serasera.org)
MISYMisy sombin-kiranao
nalaiko ho sombin-kalo
hamenoko ireo banga
ao anaty tononkaloko
Misy tononkiranao
mitanisa kanto maro
manja tena manja
ka tonga kalokaloko
eo imolotrao!
misy angolam-peo
maranitra sy manga
toa sarotra takarina
toa tsy hita ho hangalarina
ilay feonao somary garagara
noheveriko ho mivalana
hay moa 'zaho, no tsy maharaka izay gadona
misy ampahan-tsoratrao
somary nangalariko
mba hamelomako indray
ny ainga avy ato anatiko
misy teny maminao
novaiko dia namboariko
mba hampalaza indray
ny tononkaloko
RAIMS RANDRIAMALALA (Mahavonjy Aimé)
02 Aogositra 2022
--------
Rohy:
https://vetso.serasera.org/tonokalo/raims-randriamalala-mahavonjy-aim/misy
Hametraka hevitra
Midira alohaMomba ny tononkalo
Mpanoratra : Raims randriamalala (mahavonjy aimé)Nampiditra : raims randriamalala
Daty : 02/08/2022 11:41
