vetsom-pitia (Raims randriamalala (mahavonjy aimé))

Mbola tsisy niantsa

Hangataka antsa
(Nalaina tao amin'ny vetso.serasera.org)
tononkalo azo lalaovina an-tsehatra (lahy sy vavy)

eh! ry zavavy mahafinaritra iny
azafady ange ianao e:

mety ve raha miara-dia
raha lalana iraisana ihany!
izaho mantsy amin'iry vohitra iry
sa ianao kosa tsy mba mankany?

lalako ihany izy ity
fa izaho kosa misampana
mizotra amin'ny ankavia
fa tsy mba amin'ny havanana

Tsy maninona fa ateriko
raha tsy mampaninona anao
raha izay miankavia leferiko
fa sady misy resaka ataoko aminao

misaotra fa aoka izao
fa ny misy anao aza mbola lavitra
fa raha misy resaka tianao atao
izaho koa mbola afaka miharitra

ndrao sao tratra hariva izato ianao
tsy aleo ve mba eny an-dalana
dia mba malaky ny fahatongavanao
ary eny ihany koa no resahana!

raha izay ary no mety tsy maninona
fa raha tsy mahadiso azafady
resaka momba an'inona?
raha resaka fitia, izaho mantsy efa manambady!

matotra ve ianao no milaza izany
sa tsy tia resahana fitiavana
inoako fa resaka haniany
izany lazainao izany ry rahavana

rahavana! ataoko hoe adala,
lazao izay tianao atongavana
fa ny lalana efa iaraha-mahalala
fa sady mbola lavitra no mazana

Raha vao nahitanao ny masoko
raha niara-dalana taminao ny tongotro
dia nidoboka mangina 'zany foko
toa te hitory fitia izany molotro
kanefa toa ho sarotra vinaina
raha hamaly izany faniriako izany ianao
ndrao toa ho zary hiala maina
Raha hilaza aminao hoe tiako ianao

fa nahoana kosa lahy
no tsy nolazaina avy hatrany
kanefa aza miahiahy
f'izaho mbola tokana ihany
koa aza misalasala
raha hilaza izany fitia
nefa raha fitia hanadala
aleo ihany aho hanohy izany dia

hay endrey izany foko toa midoboka haravoana
raha mahare izany teninao
feno hafaliana raha nahita izany olo-tiana
ka aza manahy fa tena tiako ianao
tiako ianao, tena tiako
ary faly aho fa to izany faniriako

faly koa aho fa indro lay tiako
sambatra aho fa to izany faniriako
tiako ianao, tena tiako

nosoratan'i raims randriamalala (mahavonjy aimé)
Copyright 03/2017
--------
Rohy:
1451 0
Hametraka hevitra
Midira aloha
© Eugene Heriniaina - serasera.org 1999 - 2024 - page load 0.0171