You are here: home > Vetso

TSY VANONA IANAO - Ravanondrazana

Azo vakiana?

Tsy vanona ianao!

Tsy vanona satria, nosomparanao ny fony...
Nataonao mihitsy, ny nahababo ny fanahiny
tanaty finamanana...
Fantatrao izy iny, tsy mba manan'olon-tiana;
ka mora niantsampy, ilay fitia tsy fanahiniany.

Ratsy saina ianao eee
satria niandrasanao ho, latsa-paka ny fitiavany,
Ny hamboraka rahateo, tsy hananany finiavana.
Tantara vao niatomboka, dia efa hainao tsara,
sy arakao sahady ireo, mba teny tiany ambara
dia nolalaovina izy...

Omaly ianareo niaraka, tsy toy ny mahazatra.
Tsy aiko aloha ny resaka, izay vitanareo tany.
F'angamba kosa ianao, no fototra nandratra.
Ny alina izy mantsy, tena vonton'ny tomany,
hatramin'izao tolefika, ao an'efitranony ao...


         RAVANONDRAZANA
          17 Aogositra 2020