Tsifarifary (vehivavy nanambady vazaha)(1) (Z'ANDRYGASY)

Tafavoaka hono ity zazavavy iray
Ka tsy nahalala reny, tsy nahalala ray
Tafavoaka fa nahazo vazaha
Ka niofoka tsy ho tantsaha

Raha nitsidika ireto Ray sy Reny
Tsy mba havany hono izy ireny
Ilay Dadany nanambitamby isa-maraina
Nolazainy fa mpikarakara zaridaina
Ilay reny izay nitaiza sy nanolokolo
Mpikarakara voly any ambanivolo
Ka hoy izy:tsy hohadinoina ny lasa
Koa horaisiko ianareo roa hiasa
Ianao Ramatoa, manasa sy mahandro
Rangahy kosa, miandry kisoa isan'andro
Nalahelo ireto kitapo nifonosana
Fa naniry tandroka Ikalatokana

Tsy takona intsony anefa ny nafenina
Eo Rakalakely vao latsa-nenina
Noroahin'ilay vadiny
Fa tratra ny tetik'adiny:
Allez ce n'est pas une vady
Vas y ailleurs mitady
Voilà la devoly
Dit:la baiboly

Z'ANDRYGASY, 18/ 06 / 15
(1) Notakarina tamin'ny tononkiran'i MANALY:Manambaly vazaha
--------