AZA ATAO HO VOADY (Raims randriamalala (mahavonjy aimé))
Pas encore lu
(Nalaina tao amin'ny vetso.serasera.org)
AZA ATAO HO VOADYrehefa mba mitia ianao
dia mitiava fotsiny ihany
f'aza mba mivoady
amin'ny resaka fitiavana
fa tsy ho zakanao
ny hisedra irery izany
indrindra fa ny ady
miharo setrina fandavana
mitiava,
mitiava fotsiny ihany
f'aza mampantena
izay tsy ho tanteraka
ka hanamaloka ny tava
mora kotran'ny tomany
fa matoa ianao nekena
dia vonona hiaraka :
hiaraka hifanohana,
hiraka hifanampy,
hiaraka hifanaja,
fa tsy hilalao fitia
ka raha mbola fanombohana
dia koloy am-pitiavana
ilay vony fanja haharitra ho doria
Nosoratan'i RAIMS RANDRIAMALALA (Mahavonjy Aimé)
taona 2019-01-08
--------
Lien:
Catégorie :
Fitiavana - Aingam-panahy
Ajouter un commentaire
Veuillez vous connecterA propos
Auteur : Raims randriamalala (mahavonjy aimé)Inséré par : raims randriamalala
Date : 08/01/2019 17:47
