Dia mbola tonom-bavaka (Ni..! (RPR))

Ry havako
Meteza ianao hiaiky
Fa!... mahery sy mafonja
Izany hoe mivavaka

Iza moa!
No tsy nivetsovetso
Karazana fivavaka raha vao nikorontana
Ity Madagasikara ???

Na andian’olona
Na haino aman-jery
Tsy mba nisy an-tery fa tamin’ny fo tokoa

Iza tokoa moa
No tsy nandohalika
Niandrandra ny lanitra
Ka nitalaho mafy
Tamin’Andriamanitra hoe :
Ray ô !
Omeo filaminana izao ny Malagasy

Ao ny mivavaka
Nandritry ny hasiviana
Mba entina handresena
Sy entina hitoriana
Amboaram-pivavahana
F’izany no hany làlana
Mankamin’ny fahendrena

Tsy te-hilaza aho eto hoe
Nivaly izao ny vavaka
Raha nisy ny fihaonana…
Fa zao vao tena mafy
Sy mila hamafisina
Ary tsy an-kiato
Ny miantsoantso ilay Ray Tsitoha
Satria moa ny devoly
Dia tsy kely làlana
Ka hamafiso hatrany
aloha ny fivavahana

Ray ô!mitady vahaolana
Izao ny Malagasy
Ka ny angatahiko
Dia alaviro azy
Ny fisainan-dratsy
Mba ho modely marina
Ireo mpitondra anay
K’hanomboka ho tafarina
Ny Gasikaranay

Dia ny hafatro eto
Ho antsika Malagasy
Mivavaha mafy
Mivavaha hatrany
Mivavaha fa tsy ampy
Ny kisendrasendra
Sy vavaka mandalo

Ry Malagasy havako
Mitalaho, mivalo
Ampio ty tonombavako
Dia hoy ny tononkira:
“DIA HO TANY SAMBATRA ‘LAY MADAGASIKARANAY”




Posak’andron’ Ni..! 23 Febroary 2009
08 ora 23 mn
Zandry Ni..!
--------