AVELON'NY FITIA (NY HERIMAR)

AVELON'NY FITIA

Misaotra malala namoy ilay fitia,
Misaotra anao namono ilay afom-pitiavana;
Raha ny faniriako dia hiara-ko doria
Kanefa akia izany nasetrinao fandavana.

Notsindrominao ilay nofom-pitiavako,
Notsindrominao tamin-teny maranitra;
Ka dia ranomaso no namonto ny tavako,
Nipitrapitra irery nibanjina ny lanitra.

E ry fitiavako...nilaozanao aho,
Maty noho ny hetraketrak'izy iny...
Saingy antenaiko fa ho tonga hirahoraho
ny valin'alahelo toy ny tody sy ny tsiny.

Mandidy anao ny foko ry avelom-pitia,
Mandehana ravao ireo fahavalonao;
Ilay nandrovirovy namaly anao tsia,
Izay fitia hatsangany avy dia azerao.

Aza ela ry avelo f'izaho sasa-miandry,
Tongava anio alina hanakona kintana;
Mendrika ny fitiavany izany hodimandry,
Ka esory aminy ny anjara sy ny vintana.

Ry avelon'ny fitia, midira ato anatiko,
Ahy foana ianao na lasan-ko razana;
Ampanirio ireo voa izay nafafiko,
Mba ho lonam-pitia ity foko ngazana.

Tsy kivy aloha aho fa kosa manantena,
Fa mbola ho avy ianao ry avelom-pitia;
Ho tonga hamonjy ity fo mangenahena,
Hampahazo ilay lafatra ao an-dranomaria.

Tsy izany mantsy fa ny eto an-tany,
Tsy lany manja fa mitosaka ireo tsara;
Tsy misy koa olona in-dray tia izany,
Ary izay nilaozan'afo tsy voatery hanara.

NY HERIMAR
22/07/2019.
--------