FITIA NANDALO (NY HERIMAR)
Mbola tsisy niantsa
(Nalaina tao amin'ny vetso.serasera.org)
FITIA NANDALO. Ny fitiavako anao kisendrasendra,
Fitia niserana ihany;
Fitia natosiky ny rendrarendra,
Ka tsy haharitra izany.
Koa dieny mbola tsy miorim-paka,
Aleo faranana amin'izay;
Tsy tiako ianao ho voambaka
amin-javatra tsy hay.
Ka veloma ary ianao ry malala,
Malalan'ny foko taloha;
Ary izany tsy hahalasa adala,
Fa ny anjaranao mbola hifoha.
Dia mamela ny heloko akia
noho ny fitiavako fitaka;
Fa hahita ianao raha hitadia
ary tsy ho tojo mpanitsaka.
NY H. 14/08/2019
--------
Rohy:
Sokajy :
Eritreritra mandalo
