INY OLON-TIANAO INY (Raims randriamalala (mahavonjy aimé))

Mbola tsisy niantsa

Hangataka antsa
(Nalaina tao amin'ny vetso.serasera.org)
INY OLON-TIANAO INY

iny olon-tianao iny
aza omena tsiny
raha toa ka sarotony
mantsy izy efa tompon'ny
fonao manontolo
ka tsy tiany ho vorondolo
no handrombaka ny tiany
ka aza omena tsiny

iny olon-tianao iny
raha toa ka virjiny
dia hajao ny fahadiovany
fotsiny, mandrapaha-tongany
eny ambony alitara
ka mila hajaina tsara
ny safidy tena tiany
ka aza omena tsiny

iny olon-tianao iny
ny hany faniriany
dia omenao fahafahana
hiaina ankalalahana
amin'ny fiainany manokana
ka aza asiana sakana
ny amin'izay rehetra tiany
miangavy! aoka tsy ho tsiny


Raims Randriamalala
10-02-2022
--------
Rohy:
Sokajy : Fitiavana
611 0
Hametraka hevitra
Midira aloha
© Eugene Heriniaina - serasera.org 1999 - 2024 - page load 0.0107