FITIA NANDALO - NY HERIMAR

Azo vakiana?

FITIA NANDALO.

Ny fitiavako anao kisendrasendra,
Fitia niserana ihany;
Fitia natosiky ny rendrarendra,
Ka tsy haharitra izany.

Koa dieny mbola tsy miorim-paka,
Aleo faranana amin'izay;
Tsy tiako ianao ho voambaka
amin-javatra tsy hay.

Ka veloma ary ianao ry malala,
Malalan'ny foko taloha;
Ary izany tsy hahalasa adala,
Fa ny anjaranao mbola hifoha.

Dia mamela ny heloko akia
noho ny fitiavako fitaka;
Fa hahita ianao raha hitadia
ary tsy ho tojo mpanitsaka.

NY H. 14/08/2019

Mombamomba

Mpanoratra : NY HERIMAR

Nampiditra : Herimar
Daty : 07/09/2019
Mpamangy : 216
Mankafy : 0

Tononkalo hafa

AZA ANDRASANA
FEON'NY MANINA
NOHO NY AMIKO
TSY ALEO VE?
MANIRY VOLANA
Ny VEHIVAVY VE?
MATOA...
MATOA
IANAO MALALA
AZA AKASIKA AHY