MALALANY FA TIAKO - NY HERIMAR

Azo vakiana?

MALALANY FA TIAKO

Tsy nahay nionona ity foko efa tia,
Tsy nahay nionona fa te hamatravatra;
Tsy nahay nionona fa te hiara-dia,
Tsy nahay nionona sa te hitady ratra?

Nanomboka teo ny masoko lasa nitsiriritra,
Nanomboka niafina nangala-pijery;
Nanomboka teo koa lasa nipitrapitra
nahita ity lalana tery dia tery.

Valaka ny saina, gina ny vava
mandinika ity akoho efa an-tanampapango;
Vao manomboka maraina, maloka ny tava,
Ny ranomasonaina no mamonto ny akanjo.

Malalany izy iny fa tiako ihany koa,
Malalany izy iny fa nahasarika ahy;
Malalany izy iny fa teny aminy avokoa,
Ireo fepetra rehetra mambabo ity fanahy.

Noho izany,
Ianao horohako mangina ato am-po,
Ianao hiarahako mandry anaty nofy;
Ianao ho dingadinga ody aretin-doha
Hataoko fisotro rehefa izaho marofy.

Dia hotiaviko doria na tsy ho tia ahy,
Hotiaviko miafina na tsy ho fantatrao;
Raha ny fitiavako tsy misy mampanahy,
Vonon-kiantorahanao raha izy mandao.

NY H. 09/09
23:57'

Hametraka hevitra

Midira aloha

Mombamomba

Mpanoratra : NY HERIMAR

Nampiditra : Herimar
Daty : 10/09/2019
Mpamangy : 102
Mankafy : 1

Tononkalo hafa

TSY HO ALAHELO
IANAO INY... Any ianao a
RY ZANAKO
NITIA VATO AHO
FANIRIKO NY HISAMBARANAO
HATAKA
VAVAKA HO AN'ILAY TIAKO
SEDRA-PITIAVAKO
Aza Tsiny fa...
NY TENA NAMANA