BABO (Raims randriamalala (mahavonjy aimé))
(Nalaina tao amin'ny vetso.serasera.org)
BABOmisamboaravoara e, ny onjam-pitia!
mila tsy ho tana ny fitepon'ny fo,
lalovan'ny kanto ity mpianjoria
ka dia nibaribary ny maso ankiroa
hatsaràna miserana ambany maso
tsy havela handalo fa manimba saina
araho maso kely dia antsoy hoe: andraso
dia lazao avy hatrany izay anatin'ny saina
veleso ny vy dieny mbola mafàna
raha toa ka fitia no masaka an-tsaina
dia aza sakanana na koa raràna
fa lazao avy hatrany izay zava-kasaina
raha fitia fara-tampony no ao aminao
na koa fitia tsy asian-takalo
haboray ka lazao dia tantarao
araho teny mamy, tsiky ary kalo
Raims Randriamalala (Mahavonjy Aimé)
R-R Poeta
--------
Rohy:
Sokajy :
Aingam-panahy - Fitiavana
Mpakafy:
raims randriamalala
Hevitra mandeha
raims randriamalala
(
07/12/2023 05:15)
mankasitraka indrindra tompoko ny amin'ny fiarahamiasa, dia mitomboa hasina daholo isika rehetra eto amin'ity rohy ity,
hafatra sady fangatahana fotsiny hoe ataovy marina tsara ny tsipelina vao zaraina amin'ny besinimaro ny tononkalontsika mpanoratra sy poeta miserasera eto amin'ity tokontanitsika ity
hafatra sady fangatahana fotsiny hoe ataovy marina tsara ny tsipelina vao zaraina amin'ny besinimaro ny tononkalontsika mpanoratra sy poeta miserasera eto amin'ity tokontanitsika ity
Hametraka hevitra
Midira alohaMomba ny tononkalo
Mpanoratra : Raims randriamalala (mahavonjy aimé)Nampiditra : raims randriamalala
Daty : 17/05/2023 14:45
