BABO (Raims randriamalala (mahavonjy aimé))

BABO

misamboaravoara e, ny onjam-pitia!
mila tsy ho tana ny fitempon'ny fo,
lalovan'ny kanto ity mpianjoria
ka dia nibaribary ny maso ankiroa

hatsaràna miserana tambany maso
tsy havela handalo fa manimba saina
raha toa ka avela dia ho lasa ankaso
ka tsy hahitan-tory iny mandra-maraina

veleso ny vy dieny mbola mafàna
raha toa ka fitia no masaka an-tsaina
ary aza sakanana na koa raràna
fa lazao avy hatrany izay zava-kasaina

raha fitia faratampony no ao aminao
na koa fitia tsy mba asiana takalo
haboray avy hatrany dia tantarao
araho teny mamy dia araho kalokalo

Raims Randriamalala (Mahavonjy Aimé)
R-R Poeta
--------