METEZA (Raims randriamalala (mahavonjy aimé))

Mbola tsisy niantsa

Hangataka antsa
(Nalaina tao amin'ny vetso.serasera.org)
Meteza ianao hindramiko
ry vorona mpisioka
mpampitsiky ny maraina,
ka ny hiranao no mamiko
handreseko ny tafiotran'
ny sento sy taraina

Meteza ianao hafarako
ry masoandro himpody
hamonjy ny hariva,
indro misy sora-tanako
ho ento mba ho tody
ho tonga kalon'ny antsiva

Meteza ianao ho namako
ry kintana amam-bolana
sakaizan'ilay alina,
meteza hanazava ity lalako
mangina, mizotra, migodana
anatin' ny aizim-pito lalina

Meteza ianao hikalo
ny hiram-panafahana
ry mpikalo anaty rima,
ary aza avela handalo
ireny soratsora-tanana
izay nimatesanao mangina!

nosoratan'i RAIMS RANDRIAMALALA (MahavonjyAimé)
05/06/2018
--------
Rohy:
1179 1
Hametraka hevitra
Midira aloha
© Eugene Heriniaina - serasera.org 1999 - 2024 - page load 0.0104