You are here: home > Vetso

ZAZA SY LALANY - Raims randriamalala (mahavonjy aimé)

Azo vakiana?

ZAZA SY NY LALANY!

eny an-dalana eny
misy zaza malagasy
tsy mba misy ray,
fa kosa velon-dreny
tsy any an-dakilasy
tsy anaty trano lay,
fa mitoetra anaty fako!

eny an-dalana eny
feno zaza tsy niriana
feno zaza verivery
angamba tsisy reny
na niniana koa nariana
ka zary miady irery
sy miaina anaty fako

iny sisin-dalana iny
misy fahoriana
toa tsy mba taza-maso
nefa zaza firifiry
no mizioga fijaliana
noho ny sompatry ny ankaso
dia mangataka ariary zato!


RAIM'S RANDRIAMALALA (Mahavonjy Aimé)
iray volan'ny teny malagasy sy ny ankizy
23 jona 2021