You are here: home > Vetso

MENATRA AHO - Ravanondrazana

Azo vakiana?

MENATRA AHO



Menatra aho rahavana...
Mahatsapa tena resy fa najanonao ho namana.
Marary saina mihitsy noho ireo hafatra misesy,
Namitaka ny foko tamin'ny fihetsikao: mihanta!
Ekena, fahadisoako ilay nivadi-pitokisana...
Fa efa te handingana ny atao hoe: finamanana.
Dia mba nanita-kevitra amin'ny tetika sy ketrika
Ny fo ombam-pitiavako tinaitranao matetika.
Kanefa niova tsinana ilay volam-penomanana;
Nampisy fisampanana izay mampisara-dàlana.

Menatra aho ry lala, te handositra masoandro!
Angamba lasa adala fa nanaiky andany andro.
Nolavina aho kanefa noheverin'ny rehetra fa miaraka isika.
Marary anie izany ka ny hampionon-tena sisa,
No kajiko amin'izao!
Tsy fotsiny ny foko fa ny fiaina-manontoloko...
No ataonao kilalao eo imasom-piarahamonina.
Izay tantarantsika?
Tsy hiantsoko varatra hamafa sy handraraka!
Fa raisiko ho anatra sy angalako lesona tsy anki-monomonona.

Menatra aho rahavana...
Maty pasipaoro raha handeha hifampitantana,
Miaraka aminao, -ilay namela ahy ho namana-.
Ny kintana io isaina, na dia fotsiny hiray làlana!
Tsy hisy intsony izany raha mbola tsy maraina,
Ny androko eto an-tany ka samy ho velon'aina.
Ny ampitso no hinoako, mbola hibaliaka ihany
Ny ao antampon-dohako, hiankinan'ny tantarako.
Hantenaina ananon'any no misy ilay anjarako...
Tsy hay mazava loatra, dia tsy fantatro fisiana.
Fa hisambarako ihany na efa any ankoatra no ahitako ny olon-tiana.


RAVANONDRAZANA
7 SEPTAMBRA 2021

Mombamomba

Mpanoratra : Ravanondrazana


Nampiditra : Ravanondrazana
Daty : 08/09/2021
Mpamangy : 171
Mankafy : 0

Tononkalo hafa

TENY ROA
TENA TIA
EKENA
HO DORIA
SIDINA
ANDRO VOALOHANY
ANDRO FARANY
HAFATRA
METEZA
RAHA TENA TIA