MATOA (NY HERIMAR)
Pas encore lu
(Nalaina tao amin'ny vetso.serasera.org)
MATOA AHO...Ny fanahy no vady
Ny hatsaran-tarehy mandalo ihany;
Matoa aho nivoady
Efa vonon-tsy himalo, hiaro izany.
Matoa aho nisafidy
Hanadino ny lasan'ny akanimpoko
Na inona hangidy,
Ho sedraiko am-pahamamiana hovaiko loko.
Matoa aho tsy naharitra,
Efa ela niaretana Ka nahatratra fetra,
Fa ny mahafinaritra,
Tsy voatery hahasoa toy ny zava-drehetra.
Matoa aho nitia,
Nikasa anao hasoaviko raha mbola vitako;
Matoa aho nania,
Nasehonao ahy izay mbola tsy hitako.
NY HERIMAR
07/12/2020
--------
Lien:
