Tsiaro ho an'ny zanako (Raims randriamalala (mahavonjy aimé))

Any izay ianao ry zanako
mitokana irery any lavitra any
ka ilay fiainanao izay tsy tazako
izao no handatsahako tomany

hoe manao ahoana izay ilay tokako
ilay mitoetra miady irery
ilay miafy tsy mba eto anilako
nefa tsy mba kamboty velively

indrisy mantsy ry sombiniaiko
ity alahelo mitambesatra
mila tena hankarary ny aiko
ity fahantrana mihamavesatra

kanefa tsy ataoko mahakivy izany
fa ny hatafita anao no tanjoko
ka ireo izay ilainao any
dia hikipiko na ho rotika aza izato akanjoko

eny hiezaka aho ny hatafita
indrindra ilay fianaranao
ka raha misy ireo izay tsy ho vita
dia aza tsiny fa hifonako aminao

ry zanko! ny alahelo anao no hany
mby ato an-tsaiko isan'andro
ka ireo ambom-po ho tazomiko ihany
ka ny tsiaro anao no be rehefa maty ny masoandro

veloma izany zanako izany, dada ihany!

Nosoratan'i RAIMS RANDRIAMALALA (Mahavonjy Aimé)
Nosoratana tamin'ny jolay 2017
--------