REHEFA MATY AHO - NY HERIMAR

Azo vakiana?

REHEFA MATY AHO

Sahiran-tsaina ihany izaho
raha nibanjina an-dRafahafatesana;
Nihodivitra sy velon-talaho
nandinika ity lalana izay hankanesana.

Fa rehefa maty aho:
Ho tsiaro ireo zava-bita;
Ary ny marina tsy tsaho,
Ny hafaliana mety ho hita.

Ny hendry handeha hitomany
raha mahatsiaro irony fisiako;
Fa ny adala dia hivanivany
Manokatra ity fasam-podiako.

Fa rehefa lo ny tavako,
Ny sofina tsy hahare feo;
Ny eritreritr'ireo havako
ho feno embona sy toreo.

Ny masoko tsy maintsy hikimpy,
Ny oroko tsy maintsy ho loaka;
ka tsy hahita ireny hanim-py
sy rendrarendra ary toaka.

Dia ho rava ny fieritreretana,
Ho foana ny adin-tsaina
Fa Razoky Rafahafatesana
no manantso sy manapitr'aina.

NY HERIMAR 11/06/2016

Hametraka hevitra

Midira aloha

Mombamomba

Mpanoratra : NY HERIMAR

Nampiditra : Herimar
Daty : 07/09/2019
Mpamangy : 222
Mankafy : 1

Tononkalo hafa

MATOA...
MATOA
IANAO MALALA
AZA AKASIKA AHY
FITIAVAN'OLON-DROA HOE?
MOA HAMPANINONA ?
TETO AN-TANY
HAFA-DRAHALAHY (nasiana fanitsiana)
NA TSY NATAO
NY RAY AMANDRENY