SOMBINIAINA - Raims randriamalala (mahavonjy aimé)

SOMBINIAINA

anaka,
mbola tsy hary ianao
no efa nitsimoka
teo an-jaridainan'
ny fo mifankatia
hasambaran-tsy hay tohaina
no natosaky ny nofo
ka tonga hazavàna
nandresena ny aizim-pito
ka indro sombin'ny aina
avy amin'ny olon-droa
izay nitambatra ho iray
izay namolavola anao
ho tonga sombiniaina
ianao no tsangam-bato
nikirizana hatry ny ela
ianao no solon-tady
mamatotra ny fo
ianao no vona mampiray
ny fitiavan'olon-droa


Nosoratan'i RAIMS RANDRIAMALALA (Mahavonjy Aimé)
tanjombato 21-01-2020

Hametraka hevitra

Midira aloha

Mombamomba

Mpanoratra : Raims randriamalala (mahavonjy aimé)

Nampiditra : raims randriamalala
Daty : 21/01/2020
Mpamangy : 284
Mankafy : 1

Tononkalo hafa

LASA!
MAHAJANGA
ANTSIRANANA
MANEMBONA
Ry RAY
LANY JIRO!
VAVAKA 2
SOA FA NOFY
LASA IZY
SEDRA NY FO